--Ads--
Adda maituding a floor price iti presyo ti irik no bilang maisubli iti National Food Authority wenno NFA ti regulatory mandate.
Gapu dayta, pursigido ti NFA nga iduron iti Kongreso ti gakat a mangisubli iti regulatory mandate ken market intervention functions da.
Segun ken ni NFA Administrator Larry Lacson, masapul a mangituding ti gobierno iti floor price gapu iti nalaka a panaggatang dagiti negosyante iti kada kilo ti irik.
Impasiguradona a saan a malugi dagiti mannalon no maisubli kadakuada ti turay a mangiregulate iti panaggatang ken panaglako iti bagas.
-- ADVERTISEMENT --
Iti agdama, gumatgatang ti NFA iti nadalus ken namaga nga irik iti gatad a P23 agingga P30 kada kilo, idinto a dagiti nabasa nga irik ket umabot iti P17 agingga P23 kada kilo.
