Pinasingkedan ni Senate President Sherwin Gatchalian a karaman a maimbestigaran ti flood control scam no maituloy ti taripnong ti Kongreso inton July 27.
Segun ken ni Gatchalian, maysa kadagiti nakalinya nga imbestigaran ti Senado ti anomalya iti flood control programs ken ti napasamak a shooting incident iti pagadala idiay Tacloban kasta payen ti panagsagsagana iti El Niño.
Maisina daytoy iti panangtratarda kadagiti 50 a prayoridad a naisingasing a linteg nga adda iti salinong ti Legislative-Executive Development Advisory Council ken masapul nga aramidan ti addang karamaman payen ti pondo para iti 2027.
Inlawlawag ni Gatchalian a masapul a paggigiddanenda ken ileppas ti panangtratar kadagitoy ta dakkel ti agbalin nga epektona iti ekonomia no maitantan.
