Inallukoy ni Senator Judge Alan Peter Cayetano iti Senado nga ipangruna ti imbestigasyon iti amin nga anomalia pakairamanan ti eskandalo iti flood control project kas ti maar-aramid iti impeachment trial ni Vice President Sara Duterte.
Segun ken ni Cayetano, saan laeng nga impeachment trial ti pagbasaran iti dusa dagiti opisyal ti gobierno.
Kinuna ni Cayetano a masapul a kiddawen dagiti tattao iti nasaysayaat a gobierno ken total accountability.
Kinunana a saan laeng a ni Vice President Sara Duterte iti rumbeng nga accountable no diketdi uray iti amin a karaman iti flood control.
Kwinestyunaran pay ni Cayetano no apay nga awan ti panaggaraw ti imbestigasyon ti Senate Blue Ribbon Committee maipanggep ti mapapati nga irregularidad kadagiti flood control project.
Inallukoyna pay iti publiko a subaybayan ti impeachment trial ken awaten dagiti isyu a matratratar iti tulong dagiti legal nga eksperto.
