Pinasingkedan ni Football coach Ben Purugganan a ‘very dominant’ ti Spain iti labanda kontra Argentina para iti Finals ti FIFA World Cup 2026.
Iti pannaki-uman ti Bombo Radyo Vigan ken ni Purugganan, nadlawna a saan nga itulok ti Spain a makaasideg ni Lionel Messi iti shooting range ta no bilang nakaasideg ket amangan ta maysa laeng a goal ket nalpasen ti laban.
Maysa kadagiti makitkita a rason ni Purugganan iti panangabak ti Spain ket ti fitness level-da, ta immun-unada a nakainana ngem iti Argentina nga arigna kalkalpas pay laeng ti panagay-ayamda kontra England.
Patien ti coach a kurang ti Argentina iti ‘finishing’ iti laban ta uray no adu ti shoot-da ket saanda a mai-convert iti goal.
Nupay kasta, kunana a deserve ti Spain ti panagkampeonda iti daytoy a tawen kalpasan ti 16 years, idinto a ti Argentina ket milestone latta a maibilang kadakuada ta kanayon nga addada latta iti finals.
