VIGAN CITY – Indaulwan ni First Lady Louise “Liza” Araneta Marcos ti pannakaipatungpal ti Lingap at Alagang Bayanihan (LAB) for All iti Vigan City Convention Center ket rinibo dagiti nagbalin a benepisyaryo.
Gagem ti LAB for All ti mangipaay iti primary healthcare services babaen iti libre a laboratory testing iti nadumaduma a sakit, medical checkup, ultrasound, family planning services, panagiwaras iti agas ken dadduma pay.
Nakipaset pay met dagiti amin a national agencies kas ti Public Attorney’s Office a mangipaay iti legal assistance, Department of Health, Technical Education and Skills Development Authority, Commission on Higher Education ken dadduma pay.
Iti nagbalin a mensahe ni First Lady Marcos, nadakamatna iti kari ti asawana iti State of the Nation Address nga yasideg ti serbisyo ti gobierno kadagiti umili isu a kunana a bassit man a banag daytoy ngem namnamaenna a maserbianna dagiti umili nga agkasapulan iti tulong.
Nupay kasta, pinagyamananna met dagiti opisial ken dagiti pribado a a sektor iti panagkinnammayetda para iti nasao a programa.
VIDEO OF LIZA ARANETA MARCOS
Segun met ken ni Juanita Aguilar Rapin, 82 years old, ibilangna a napintas daytoy a programa ta pagsayaatan iti amin.
Maysa ni Rapin kadagiti nagpacheck up iti mata, bukot ken isbona kasta payen a nakaawat iti agas.
VIDEO OF JUANITA AGUILAR RAPIN
