Umaboten iti 112 a kaso ti firework-related injuries iti intero a pagilian manipod December 21 agingga 28 kas pinasingkedan ti Department of Health.
Segun ti DOH, nairekord ti National Capital Region iti kangatoan a bilang iti firework-related injuries a limapulo ket dua a kaso, simmaruno ti Ilocos Region a sangapulo ket dua, Central Luzon a siam ken Western Visayas a siam.
Kinuna ti health department a dagiti lallaki nga agtawen iti lima agingga sangapulo ket uppat iti kangatoan ti bilang a napaputokan ta limapulo ket lima iti kaso.
Iti DOH breakdown ti kangrunaan a rason ti injuries ket 5-Star firecrackers, sarunwen iti saan nga ammo a paputok.
Dagiti dadduma pay a rason ket pakairamanan ti boga, kwitis, ken piccolo, pla-pla ken whistle bomb.
