Umaboten iti innem a pulo ket siam dagiti kaso ti firecracker-related injuries a nairekord mano aldaw sakbay ti panangsarabo iti tawen 2025.
Maibasar iti Department of Health, dagiti kaso ket nairekord manipud kadagiti innem a pulo ket dua a sentinel sites a bambantayan ti ahensia inaig kadagiti insidente ti paputok.
Manipud daytoy iti December 22, alas sais iti agsapa agingga idi December 26, 2024.
Ita nga aldaw, umabot iti duapulo ket innem tib aro a kaso ti firecracker-related injuries, nabab-baba ngem iti kaso a nairekord iti isu met laeng a petsa idi 2023 nga umabot iti limapulo ket dua ti kaso.
Dagiti ubbing ken menor de edad latta ti kaaduan kadagiti agar-aramat ken mabikbiktima iti paputok.
Nagpalagip ti DOH kadagiti nagannak, a bantayan dagiti ubbing ken paritan ida nga agaramat iti paputok nangruna iti Boga, 5-Star ken Piccolo a kangrunaan a rason ti aksidente manipud iti paputok.
