--Ads--
Dinutokan ni Presidente Ferdinand Marcos Jr ni Fire Director Jesus Piedad Fernandez kas baro a mangidaulo ti Bureau of Fire Protection.
Segun iti Interior and Local Government, Abril 11 idi nadutokan ni Fernandez kasaruno ti panagretiro ni dati a Fire Chief Louie Puracan idi November 2024.
Immunan a dinutokan ni Interior Secretary Jovic Remulla ni Fernandez kas officer-in-charge ti BFP.
Ni Fernandez ket nagbalin a Director for Logistics ti BFP idi 2016, ken Director for Comptrollership kalpasan ti maysa a tawen.
-- ADVERTISEMENT --
Nagserbi pay a director ti BFP Region 4A iti dua a tawen, Chief Directorial Staff, ken Acting Deputy Chief for Administration idi 2022. Isuna pay ti City Fire Marshal ti Tuguegarao ken District Fire Marshal ti Quezon City.
