Binilin ti Bangko Sentral ng Pilipinas dagiti financial institution a papigsaen ti surveillance ken monitoring measures da tapno maliklikan ti insidente ti vote buying ken selling iti umay a panagpipili.
Iti salinong ti Memorandum 2025-006, nagpanawagan ti BSP kadagiti BSP-supervised financial institutions a papigsaen dagiti wagasda tapno masigurado ti mayannatup a customer onboarding processes, epektibo a fraud management systems, ken ti agtultuloy nga account ken transaction monitoring capabilities iti panangrisut kadagiti fraudulent activities.
Innayon ti ahensia a nasken nga ikonsidera ti BSFIs dagiti scenario kas ti concentration ken significant number ti account registration kadagiti lugar a pagrairaan ti vote-buying ken vote-selling, ken ti dakkel a cash transaction wenno encashment dagiti tseke iti panawen ti election period.
Naibilin pay a makita dagiti makapaatap a tignay iti transaksyon kadagiti account, digital banking ken digital wallets agraman ti kapaspas ken no mamin-ano ti transaksyon, saan a ti normal a kaadu ken gatad iti cash in ken cash out channels.
