VIGAN CITY – Mangited ti Financial Assistance ti lokal a gobyerno ti ili ti Magsingal kadagiti naapektaran nga agtartaraken ti ikan ken libre a ganagan kadagiti nadadaelan ti mula da tobacco.
Iti pannaki-uman ti Bombo Radyo Vigan kenni Executive Secretary to the Mayor Alrico Favis, kalaksidan iti financial assistance agiwaras danto pay iti ikan a taraken dagiti naapektaran idiay Brgy. Pagsanaan Sur.
Natay dagiti ikan ta nagbaliw iti acidity wenno kinaapgad iti danom ta simbrek iti danum iti baybay kadagiti pagpupukan iti ikan dagiti lumugar.
Kabayatanna, manarimaan pay laeng iti damage assestment da kadagiti tobacco farmer a naapektaran iti pannakadadael iti mula da ta iti agdama a pakpakauna a report iti opisinada sangapulo nga ektarya iti naapektaran ken nakasaganan ti munisipyo a mangited iti libre a ganagan para kadagiti agmulmula ti tabako a mayat nga agmula manen.
