--Ads--
Ad-adalen ni Finance Secretary Ralph Recto ti panangipatungpal ti naing-inget a pagannurotan kas paset ti addang ti gobierno kontra iti online gambling.
Pinasingkedan ni Sec. Recto a ti sangapulo porsiento nga ingangato ti buwis ket makaur-or ti gobierno ti nayon a PhP20 Bilion kada tawen.
Dagiti dadduma pay a gakat ket mangiparit kadagiti opisial ti gobierno a makipaset iti online gambling, panangiplastar ti ballaag kontra ti peggad ti panagsugal, ken panangaramat ti National ID tapno masigurado a dagiti agtawen ti duapulo ket maysa ken agpababa ket saan a maka-access kadagiti online gaming site.
Segun ken ni Sec. Recto, mabalin nga ibilin ti gobierno ti listaan dagiti online gaming operator para iti transparency.
-- ADVERTISEMENT --
