Nakasagana dagiti pampubliko a pagadalan ti Department of Education kadagiti mangisursuro a Pilipino iti Middle East ken dadduma pay a paset ti lubong no agdesisionda nga agawid.
Segun iti DepEd, mabalin nga agapply dagiti agsubli iti Pilipinas a mangisursuro babaen iti ‘Sa Pinas, Ikaw ang Ma’am at Sir Program, maysa a reintegration initiative a naipatungpal babaen iti pannakibinnuligda iti Department of Migrant Workers.
Impaganetget ti opisial ti commitment ti ahensia a tumulong kadagiti mangisursuro a pinilina ti agsubli iti pagilian.
Iti saliong ti SPIMS, dagiti kwalipikado nga aplikante ket mabalin a maawat kas Teacher 1 nga adda permanent status-na, mabalinda ti sumurot iti qualification standards ken ti agpampannuray a hiring guidelines.
