Nawaya-wayaan ni Maximo “Kuya Max” Londonio a maysa a Filipino green card holder manipod Northwest Detention Center idiay Tacoma, Washington segun kadagiti immigrant rights advocates.
Ni Londonio nga agtawen iti uppat a pulo ket dua ket nakabalud iti US Immigration and Customs Enforcement kalpasan a nakasubli manipod maysa a family visit iti Pilipinas idi May 16. Maysa a lead forklift driver iti Olympia, Washington a nagnaed idiay Amerika manipod idi agtawen iti sangapulo ket dua pay laeng.
Rinambakan ti pamilia, kakadua manipod IAM Local 695 ken miembro iti Tanggol Migrante Network iti panakawaya-wayana iti detention center kas paangbigbig ti suportar ti pannakikaysa iti dadduma pay a detainees a sumangsango iti saan a maikalintegan a kasasaad.
Segun ti Tanggol Migrante, saan nga inawat ti pamilia ni Londonio ti tulong ti Philippine Consulate iti court hearing.
Impaganetget ti Philippine Consulate General idiay San Francisco a nabayagdan nga imonmonitor iti kaso ken makikamkammayetdaiti pamilia ken iti ICE.
Inawagan ti Tanggol Migrante ti pannakawaya-waya ni Londonio a balligi ti pannakilabanda iti karbengan dagiti migrante a Pilipino idiay Amerika.
Karaman iti balligida iti pannakawaya-waya idi kallabes da Michelle, Lewelyn Dixon, ken Rodante Rivera nga agpapada a green card holders.
