Nabara iti panangpasangbay ti Filipino Community ken ni President Ferdinand Marcos Jr. ken First Lady Liza Araneta-Marcos, iti naisayangkat a meet and greet idiay Lao People’s Democratic Republic para pannakipaset na iti 44th ken 45th ASEAN Summit.
Iti pannaki-uman ti Bombo Radyo Vigan kenni Bombo International News Correpondent Ronald Mapili Verzola, maysa a Front Desk Manager ti maysa a Condo idiay Laos, maysa a lawas nga awan serrek dagiti Filipino Teachers para laeng ti nasao nga event a nabayagen a padpadaananda.
Segun kenni Verzola, umuna a gundaway a nakitana ti Presidente, ken maysa a timmatak kenkuana a sinao ti Presidente ket iti nangato a panagkita ti Laos kadagiti Pilipino, ken iti kontribusyon dagiti OFW ti ekonomia ti pagilian.
Napalaus met iti panagyamanda iti Philippine Embassy ti Laos iti naballigi a naisayangkat nga event.
Kabayatanna, maysa kadagiti impanamnama ti Presidente kadagiti Pilipino ket iti ububraen ti gobierno a programa a makabenipisyo kadagiti OFW a kayatna iti agsubli ditoy Pilipinas.
