Pinasingkedan ti Catholic Bishops’ Conference of the Philippines (CBCP) a ti baro a bishop para ti Prelature of Infanta ket isu ti kaunaan a Filipino appointee ni Pope Leo XIV.
Ni Fr. Dave Dean Capucao, agtawen iti limapulo ket siam iti maikapat a prelate iti Infanta, sinukatanna ni retired Bishop Bernandino Cortez a nangisaulo ti prelature manipod January 2015.
Segun ti CBCP, inawat ti santo papa ti resignation ni Cortez nga impasana idi July 2024 apaman a nagtengna iti tawen a pitopulo ket lima, a ti dayta a tawen ket masapul nga agikkat dagiti bishop nu magtengda kas nakalanad iti Ecclesiae Sanctae, ti 1966 apostolic letter ni Pope Paul VI.
Ni Capucao ket na-ordain kas padi para iti Infanta prelature idi 1994 ken nadutokan a founding pastor iti mays a village parish iti napanglaw a lugar iti Aurora province a nagserbianna iti innem a tawen.
Nagturpos ti master’s degree na iti intercultural ken interreligious theology iti Catholic University iti Nijmegen nga itan ket Radboud University.
Nagtrabaho a junior researcher ken dissertation iti religion ken ethnocentrism nga indepensarna idi 2009.
2006 idi nangrugi iti parish work idiay Netherlands ken kalpasan ti makatawen ket nadutokan a miembro ti pastoral team iti Saint Ludger Parish.
Nagsubli isuna iti Pilipinas idi 2011 ken nagserbi a formator ken rector iti prelature’s St. Joseph Formation House idiay Quezon City.
Iti agdama ket agserserbi ni Capucao a presidente iti Center for Empirical Studies on Spirituality, Theology and Religion–Asia (CESSTREL-ASIA), ken miembro ti prelature’s Presbyteral Council ken dadduma pay nga international organizations.
