Nagleppas iti 3-3 draw ti laban ti Philippine women’s football team kontra iti home team nga Uzbekistan iti 2025 AFC Women’s Futsal Asian Cup Qualifiers.
Immuna a naka-goal ti Filipinas iti umuna nga uppat a minutos ti ay-ayam ken naitabla a dagus ti Uzbekistan iti agingga alas dose singkwenta y tres ti ay-ayam a napasamak idiay Yunusobod Sports Complex idiay Tashkent.
Adda maysa a pangabak ken maysa a tabla ti Filipinas idinto a ti Uzbekistan ket awan pay abakda ken adda met la maysa a tablada.
Iggem ti Uzbekistan ti 3-2 a lamang iti nabatbati a dua a minutos ti ay-ayam ngem napaspas ni Judy Connolly ti Filipinas tapno maiserrekna ti goal ken maitabla iti 3-3 ti ay-ayam.
Sumaruno a makaay-ayam ti Filipinas ti Turkmenistan inton Mierkoles nga inabak ti Australia iti 6-1 score idi Sabado.
