Maysa nga agtawen iti uppat a pulo ket siam a Filipina caregiver iti nagsagaba ti critical injuries iti Iranian missile strike idiay Israel idi napan a bulan iti pimmusay kas kinumpirmaran ti Philippine Embassy idiay Tel Aviv.
Ti nasao a Pilipino ket ni Leah Mosquera, tubo idiay Negros Occidental a pimmusay itay agsapa bayat nga adda iti Shamir Medical Center kalpasan iti mano a lawas a panagtalinaedna iti intensive care units gapu iti sinagabana a dunor idi natamaan ti missile iti apartment na idi June 15, 2025.
Segun ti embahada, dimmalan ni Mosquera iti agduduma a surgery ken naaywanan iti ICU manipod napasamak iti panagatake.
Ti kabsatna a ni Joy a kaduana nga agtrabtrabaho idiay Israel iti nangay-aywan kenkuana bayat a naka-ospital ken isu ti nangkumpirmar iti pannakatay ti kabsatna.
Nakipagladingit ti embahada iti pamilia Mosquera ken nagyaman kadagiti amin a simmuportar kadakuada pakairamanan ti medical staff, first responders, visiting priests ken miembro ti Filipino community idiay Israel.
Innayon ti Embahada a manarimaanen ti panagtignayda para ti repatriation arrangements ken ti probisyon amin a kasapulan a maipaay a tulong ken ni Mosquera.
