--Ads--
Plano ti Commission on Elections a rugian ti panangipila iti Certificate of Candidacy para iti 2028 national ken local elections iti maikatlo a lawas ti Setyembre 2027, nasapsapa ngem iti gagangay nga umuna a lawas ti Oktubre.
Gagemna a mapadaras ti pannakasulbar dagiti kaso dagiti kandidato ken makarugi ti Comelec iti panagimprenta kadagiti opisial a balota inton Disyembre 2027.
Mapatta-patta nga umabot iti 74 milion ti rehistrado a botante.
Naaramid ti addang kalpasan ti parikut idi 2025 elections, ta kinasapulan a madadael ti innem a milion a balota nga aggatad iti P150 million gapu iti decision ti Korte Suprema mainaig iti maysa a kandidato.
-- ADVERTISEMENT --
