--Ads--
VIGAN CITY – Inwaragawagen ti Filipino-Japanese karateka Junna Tsukii ti panagretirona ket umakaren iti mixed martial arts.
Nagyaman ni Tsukii kadagiti simmuporta iti karate career na iti uneg ti duapulo ket innem a tawen ket kunana nga uray sabalin ti pagay-ayamanna ket sigurado nga exciting latta ti kada panagsabakna iti laban.
Nakairekord iti history ti agtawen-iti-tallopulo ket dua nga atleta idi nakagun-od iti balitok a medalya iti 2022 World Games ken nangabak pay iti balitok a medalya iti 2019 Southeast Asian Games.
Naituding a lumaban iti MMA ket makasangona ni Ruka Sakamoto inton Agosto 31.
-- ADVERTISEMENT --
