Naisanud iti uppat a FIBA World Cup qualifying games a mapasamak koma idiay Lebanon ken Qatar kalpasan iti military strikes iti United States kontra Iran idi Sabado.
Insayangkat ti US ken Israel iti airstrikes idiay Tehran a capital idiay Iran ken dadduma pay a siudad iti nasao a pagilian ken kinuna ni US Pres. Donald Trump nga agtultuloy iti panagatake.
Segun ti organisasyon, gapu iti napasamak iti rehiyon ket inkeddeng ti FIBA iti pannakaisanud iti amin nga ay-ayam iti groups C ken D iti FIBA Basketball World Cup 2027 Asian Qualifiers a naituding ita nga aldaw.
Ti Group C games nga Iran-Syria, Iraq-Jordan ken Group D a laban iti Lebanon ken India ket maisayangkat koma idiay Zouk Mikael, Lebanon.
Ti Group D contest iti nagbaetan iti Saudi Arabia ken Qatar ket maisayangkat koma idiay Doha.
Segun ti FIBA, ti ay-ayam ket ma-reschedule inton Hunyo kagiddan ti sumaruno a qualifying window.
