VIGAN CITY – Maysa a fetus iti nasarakan ti asideg iti kalsada idiay Bungro, San Ildefonso, Ilocos Sur.
Iti pannakipapatang ti Bombo Radyo Vigan ken ni PCapt. Alberto Ramos Jr. iti San Ildefonso Municipal Police Station, adda iti naawatda a report manipod ken ni Kagawad Edwin Palomares ta adda nakitada a fetus a nakaikali ngem nakaparang ti ima ken sakana isu a nagrespondeda.
Mapatta-patta a 36-weeks ti fetus a lalaki ket mapapati a dua agingga tallo nga aldawen manipod naikali ta addan ti madi nga angotna.
Segun ken ni Ramos, adda iti narekubreda a kandela, insenso, nagatang a kawes, pungan, tuwalya ken ay-ayam a mapapati a kagagatang ta adda pay laeng ti resibona.
Gapu ti nakita a resibo ket namnamaen ni Ramos a matuntonda nga insigida nu siasino dagiti napan naggatang iti grocery tapno matunton nu siasino ti nagannakna.
Kabayatanna, innaladan amin a listaan ti Rural Health Unit tapno matunton dagiti posible nga akin-aramid ti nasao a banag.
VOICE OF PCAPT. ALBERTO RAMOS JR.
