VIGAN CITY- Mangidiaya ti Federated Alumni Association ti University of Northern Philippines ti libre a review classes manipud Pebrero baente tres agingga baente kuatro ken Marso Tres kadagiti mangala ti Civil Service Examination Pen and Paper Test para iti professional ken sub-professional level a maisayangat inton Marso desi syete ti agdama a tawen.
Segun kenni Engr. Nestor Pajaro, federated president ti Alumni Association, inimbitaran da dagiti propesor iti nadumaduma a subject ken abogado a mangreview kadagiti agexam.
Ti nasao a review classes ket tinawen a maisaysayangkat a saan laeng a para kadagiti alumni ti UNP no di ket para kadagiti amin a kayat na ti agreview tapno naan-anay ti panagsagana da para iti civil service exam.
