Nagballaag ti Food and Drug Administration a mangitunda iti peggad dagiti collectible toys wenno babassit nga ay-ayam.
Pinalagipan ti FDA ti publiko ti maipanggep daytoy kagiddan ti panagsikat dagiti banag nangruna ita a panawen ti panangited iti regalo.
Dayta ket nupay adda iti husto a tawenen dagiti target dagiti nasao a produkto, kinuna ti FDA a dagiti narangrang a miniature a replica dagiti iconic character, lugan ken banag a makaay-ayo kadagiti ubbing.
Dagiti nagannak, agay-aywan ken dadduma pay nga addan iti husto a tawen ket mabalbalakadan a liklikanda ti agited kadagiti collectible toys a babassit a mabaklas ti pasetna kadagiti ubbing nga awan pay tallo tawenna.
Tapno matarabayan dagiti aggatang iti panangkita kadagiti bassit a paset a mabalin a rason ti choking hazard, nangbukel ti FDA iti maysa nga anti-choking tester a maaw-awagan iti “Choke Guard”.
