VIGAN CITY – Nauram ti farmhouse a kukua ni Delfin Ogalde Gargabaite, agtawen iti walopulo ket maysa, taga-Sitio Lusbutan, San Elias, Sigay, Ilocos Sur.
Nagturong ti akinkukua iti Sigay Police Station tapno ireport ti maur-uram a farmhouse-na isu a dagus met a nagresponde dagiti kameng ti Bureau of Fire Protection ken dagit pannakabagi ti linteg iti nasao nga insidente.
Segun ken ni Glender Guli Gargabaite, agtawen iti tallopulo ket pito, putot ni Delfin, immuneg iti farmhouse ket nakitana a maur-uram.
Segun ken ni Senior Fire Marshal III Raul Guzman, nasurok kumurang tallopulo a ribo a pisos met ti gatad dagiti nauram a sanikua a buklen ti sangapulo ket dua a sako ti bagas, walo a sako ti ganagan nga inted ti Department of Agriculture, maysa a brush cutter, sangapulo ket walo a kilo ti bagas, farm equipment ken personal nga alikamen.
Madukduktalan met no ania ti rason ti pannakauram ti nasao a farmhouse.
