VIGAN CITY – Inyuswat dagiti empleyado ti Ilocos Sur National High School ti farewell program para kenni Rodrigo Q Reyes Jr. gapu ti panagpatinggan iti panangidadaulona iti nasao a pagadalan.
Ni Reyes ket nagserbi kas Officer in charge iti uneg ti uppat a bulan ket nagmensahe met dagiti opisyal ti Divison Office ti Vigan babaen ti panangidaulo ni Supreintendent Gemma Tacuycuy ken dagiti dadduma pay.
Adda pay dagiti naduma-duma a video presentation para kenni Reyes a pakabuyaan ti panagyaman dagiti empleyado gapu ti panagserbi ni Reyes nga inspirasyon kadakuada.
Maysa a karit kenkuana ti mangimanehar ti dakkel a pagadalan ngem pagyamananna ta nakabaelanna ket pakaragsakanna a nasolusyonan dagiti nagbalin a parikot a sinango ti pagadalan.
Ni Reyes ket nagtugaw nga OIC iti ISNHS idi March 29 ngem agsublin iti dati a pwestona kas Education Program Officer in charge iti Science.
Inton Lunes, sarabwenton ti ISNHS ti baro a principal a ni Editha Bagcal a naggapu iti Nagsangalan Elementary School.
