Impakaammo ti Philippine Statistics Authority (PSA) a nairekord iti kapaspasan a panagregta iti uneg iti walo a bulan ti manufacturing output iti pagilian idi Pebrero, nga idualuan iti panagpangato ti produksyon iti basic metals ken dagiti produkto iti taraon.
Maibasar iti inisyal a resulta ti Monthly Integrated Survey of Selected Industries, ngimmato ti Volume of Production Index (VoPI) iti 3.2 percent idi Pebrero, nangatngato kumparar iti 1.3 percent idi napan a bulan.
Ti nasao a panagpangato ket kabaliktaran ti 2 percent a panagsanud a nairekord iti isu met la a bulan idi napan a tawen.
Daytan ti kangatoan a lebel ti panagregta ti VoPI manipod July 2025, nga umabot iti 3.4 percent.
Segun ti PSA, ti napaspas a panagregta iti VoPI ket gapu iti panagpangato ti produksyon iti basic metals, karamanen iti sektor iti taraon ken mainom.
