VIGAN CITY – Inpatungpalen ni Mayor Dr. Joey Bragado ti Extreme Enhanced Community quarantine idiay San Emilio ta kayatda a masigurado ti seguridad ken talna ti pakinakem dagiti kailianna tapno maliklikan ti panagdidinupudop dagiti tao kadagiti naduma-duma a lugar.
Dayta ket uray nu awan pay laeng iti nairekord a taga- San Emilio a nagpositibo ti COVID- 19 ngem adda dagiti banbantayan da a persons under investigation ken persons under monitoring.
Segun ken ni Bragado, adda iti naaramid a pagannurutan a suruten dagiti agindeg kas kuma iti panangilista da kadagiti kasapulan da ket dagiti barangay officials iti mangala dagiti listaanda ta isudanton ti makaammo a mapan gumatang idiay tiendaan.
Napanunut ti mayor a maiyetnag iti nasao a pagannurutan tapnu masalakniban dagiti kailyan na manipud iti pangta ti COVID 19.
