Kinumpirmaran ti Department of Justice nga addan iti final stages para ti panangiyawid ditoy pagilian ken ni dati a Congressman Arnolfo Teves Jr. a nakaibalud ita idiay Timor-Leste.
Segun ken ni Undersecretary Jesse Andres, naikkan ti tallopulo nga aldaw ti kampo ni Teves nga umapela inaig ti extradition ti dati a congressman.
Innayonna a natalekda a nakatutokda ti sitwasyon.
VIDEO – DOJ UNDERSECRETARY JESSE ANDRES
Kinuna met ni Justice Undersecretary Raul Vasquez a maisagsaganan ti prosecution ken ni Teves ket namnamaenna a maleppasen iti nasao nga isyu ta adda man wenno awan ti basolna ket masapul nga agawid ditoy pagilian ta adda ti wheel of justice nga agtignay para ti nasao a banag.
VIDEO – JUSTICE UNDERSECRETARY RAUL VASQUEZ
Sumangsango ni Teves iti sangapulo a bilang ti murder, sangapulo ket dua a bilang ti frustrated murder ken uppat a counts ti attempted murder iti Manila Regional Trial Court Branch 51 gapu iti pammaltog idiay Pamplona, Negros Oriental a nakatayan da daydi Governor Roel Degamo ken dadduma pay idi March 2023.
