VIGAN CITY – Posible nga agpaot pay iti maysa a tawen ti extradition case ni Pastor Apollo Quiboloy gapu ti kinaadu ti depensa a no umaboten iti Court of Appeals ket ipakitan dagiti abogado ni Quiboloy ditoy pagilian babaen ti tulong dagiti abogado iti Amerika dagiti nadumaduma a depensada.
Iti pannaki-uman ti Bombo Radyo Vigan ken ni Atty. Arnedo Valera, Chairperson iti US PINOYS for Reak Change in the Philippines, inladawanna ti wagas ti extradition a very substantive ken intricate isu nga iti kaadu ti depensa ket mabalin nga umabot iti Korte Suprema tapno maadal no adda met laeng ti ebidensya a mangpaneknek kadagiti kaso a sangsangwenna.
Inlawlawagna a karaman ti pagilian iti 1995 extradition treaty iti nagbaetan ti US ken Philippine government isu a ti napateg ket mabantayan ti formal request iti extradition.
Iti agdama, patienna a narikut pay laeng ti isyu ta mabalin a daytoy ket maaramat a pangontra iti political opposition nangruna ta mangrugin ti kampania ngem natalek ti nasao nga abogado a nasirib dagiti Pilipino nga agbotos.
