Nakita manen ti Philippine deer a ti scientific name-na ket Rusa Marianna, iti sumagmamano nga ili idiay Marinduque kalpasan a naibilang a locally extinct iti uneg iti mano a dekada kas pinasingkedan ti Department of Environment and Natural Resources (DENR) Mimaropa.
Segun ti DENR, nakumpirmar ti presensya ti species iti uneg iti Marinduque Wildlife Sanctuary kalpasan iti agsasaruno a biodiversity monitoring, camera trap installation ken napapigsa nga information campaign iti pannakitinnulong kadagiti lokal a komunidad.
Maibasar iti listaan idi 2025, sumagmamano a sightings ti nairekord iti agduduma a lugar ket saan a nababbaba iti sangapulo iti nakita idiay Barangay Makulapnit, Sta. Cruz.
Adda pay iti footprints idiay Boac ken kaasidegna a lugar a mangipasimudaag iti nalawlawa a distribusyon iti ayup iti isla.
No pay kasta ket agtaltalinaed iti pangta iti illegal hunting, poaching ken panagatake isu a pinapigsa ti Protected Area Management Board ti koordinasyon kadagiti ahensya ken lokal a gobierno bayat a napainget iti kampania para iti panangsurot ti Wildlife Resources Conservation and Protection Act.
