VIGAN CITY – Indaulwan ni Department of Transportation- Undersecretary for the Aviation Sector Manuel Tamayo ti ground-breaking ceremony para iti expansion ti runway ti Vigan Airport idiay Mindoro, Vigan City idi April 8.
Idi 2016, walo pulo a milyon a pisos iti nailatang a pondo para iti nasao a proyekto ngem nanayunan iti dua gasut ket tallo pulo a milyon a pisos ken itatta laeng a tawen iti pannakaipatungpal na ta adu ti dimmalanan na a proseso.
Umun-una a maitrabaho iti lima gasut a metro iti agpa-abagatan a paset ti runway a dumanun agingga iti igid iti baybay ket addan to iti natibker ken napuskol a sea wall a maipatakder tapnu masalakniban iti runway expansion.
Nu malpas ton iti 500 meters expansion project, maisarunonto met iti reclamation iti lote iti agpadaya a paset na ken addan to iti maiapatakder a baro nga opisina para iti nasao a domestic airport.
Manamnama a nu malpas iti proyekto para iti pannakapapintas ti Vigan Airport ket maiyarig ton iti airport idiay Siargao island iti kalawa na.
