Mangrugi inton Biernes, August 8, 2025 ti konstruksyon ti napalawa a passenger terminal building iti Siargao Airport.
Segun ti Department of Transportation (DOTr), ti proyekto ket kasaruno ti bilin ni President Ferdinand Marcos Jr. a siguradoen a komportable ti panagbiahe dagiti local ken foreign passenger.
Iti salinong ti bilin ni DOTr Secretary Vince Dizon a maadaan ti modular expansion iti nasao nga airport, mapanayunan ti seating capacity ken mapadaras ti passenger flow.
Paset dayta iti panangikkat ti VIP lounge ken redundant X-ray machines tapno mapadaras ti security check.
Target pay ti DOTr a pagbalinen nga international hub iti Siargao Airport isu a binilinna ti Civil Aviation Authority of the Philippines (CAAP) a padarasen ti panagplano tapno mayatiddog ti runway ken panagpatakder ti baro a world-class passenger terminal.
