Pinasingkedan ti Department of Social Welfare and Development nga inton Lunes ket marugian ti pannakaited ti ayuda iti salinong ti napabileg a United Package for Livelihoods, Industry, Food, and Transport (UPLIFT) program.
Umabot iti 7.5 milion a household ti makaganar iti programa pakairamanan ti 3.5 milion a benepisyaryo ti 4Ps ken Walang Gutom Program, 2.5 milion a marigrigat a pamilia manipud iti Community-Based Monitoring System, ken 1.5 milion a miembro ti SSS nga adda binulan a salary credit-na a P20,000 agpababa.
Dagiti benepisyaryo iti Group 1 ket umawat iti maminsan a daras a P2,000, idinto a ti Group 2 ken 3 ket makaawat iti P2,000 kada bulan iti uneg ti 6 a bylan, wenno agingga December 2026.
Segun iti DSWD, ti gatad ti ayuda ket naibasar iti panagadal ti Asian Development Bank ken Philippine Institute for Development Studies (PIDS) basar iti epekto ti panagpangina ti presio ti langis.
