Idurduron ni Tingog Partylist Rep. Jude Acidre ti panangipasa iti gakat a saanen nga agbalin a mandatory ti panagbayad dagiti overseas Filipino worker iti kontribusyon iti Philhealth.
Iti salinong ti House Bill 2 a pinutar ni dati nga Speaker ken incumbent Leyte Rep. Ferdinand Martin Romualdez, kinuna ni Acidre a ti gobiernon ken ti employer ti manggudwa iti bayad ti kontribusyon ti OFW.
Innayon ni Acidre nga adda dagiti OFW a saan laengen nga agenrol iti Philhealth ta madagsenanda nga agbayad nangruna dagiti land-based worker a no agsakitda ket saanda met a maaramat ti benepisyo no di ket dagiti laeng babassit ti kontrata.
Impaganetget ti kongresista a makatulong ti gakat tapno agbalin a pudno a universal ti Universal Health Care system ti pagilian.
