Pinasingkedan ni Senate Deputy Majority Leader Joseph Victor Ejercito a pabor iti executive session ken ni dismissed Bamban, Tarlac mayor Alice Guo no ibutaktak na ti ad-adu pay nga impormasion maipapan kadagiti tattao nga adda iti likudan ti panagadu dagiti illegal a Philippine Offshore Gaming Operators (POGOs) iti pagilian.
Segun kenni Ejercito, no executive session laeng iti wagas tapno ibutaktak ni Guo dagiti bigboss kadagiti illegal POGO ket silulukatda a mangted ti gundaway.
Innayon pay ti Senador a kayatna a maamuan no siasino ti timmulong ken ni Guo nga agkandidato, ken tapno maammuan no kasano a nakaala dagiti maipagarup a Chinese nationals ti elected spot ditoy Pilipinas.
Tallo a senador ti nang-reject ti apela ni Guo para iti executive session, ta kayat ni Senador Hontiveros a masapul nga ibaga ni Guo ti kinapudno iti publiko sakbay a mapatgan ti closed session.
