Pinaglibakan ni Executive Secretary Lucas Bersamin dagiti imbutaktak kontra kenkuana ni dati a Department of Public Works and Highways (DPWH) Undersecretary Roberto Bernardo.
Segun ken ni Bernardo, mapapati a maysa iti Office of the Executive Secretary iti agkidkiddaw ti kickback manipod kadagiti proyekto ti DPWH.
Segun ken ni Bersamin, awan iti kinaagpaysu dagiti pammabasol ken awan ti bibiang ti opisinana iti nailatang a budget iti DPWH.
Impaganetget ni Bersamin nga iti kaano man ket saan isuna a nakikammayet ken ni dati nga Undersecretary Bernardo ken Department of Education (DepEd) Undersecretary Trygve Olaivar.
Dinakamat ni Bernardo ni Olaivar a timmawag kenkuana idi 2024 tapno pagpatangan iti unprogrammed appropriations a mapapati a nakailatang para iti opisina ti Executive Secretary.
