Mangiruar ti Executive Order ni President Ferdinand Marcos Jr. para iti pannakaipatungpal ti Free Trade Agreement wenno nawaya a trade iti nagbaetan ti Pilipinas ken South Korea.
Iti maika-duapulo ket tallo a NEDA board meeting idiay Malakanyang nga indauluan ti presidente, naaprubaran ti panangbukel ti executive order a mangsakup iti tariff commitments iti pagilian iti Philippines – South Korea Free Trade Agreement.
Iti salinong ti executive order ket manamnama a mangted iti Korea ti preferential duty-free entry iti 11,164 a produkto dagiti Pilipino nga aggatad ti $3.18 billion wenno 87.4% nga imports iti Korea iti Pilipinas.
Manamnama pay a pakairanudan dayta nu yarig iti ASEAN-Korea FTA ken Regional Comprehensive Economic Partnership.
Gagem ti tulagan a papigsaen ti panagkadua iti ekonomia dagiti dua a pagilian para iti pannakapatanur dagiti baro nga oportunidad iti negosyo ken investments.
