Executive Order inaig iti saan a pannakaipalubos a rummuar ken sumrek ti probinsya, maiururay

VIGAN CITY – Manamnama ita nga aldaw iparruar ni Governor Ryan Singson iti Executive Order inaig iti saan a pannakaipalubos iti panagruar ken sumrek ditoy probinsya.

Iti pannaki-uman ti Bombo Radyo Vigan kenni Singson, mabalin nga awagan a lockdown iti nasao nga addang ti gobyerno probinsya ta awan iti mapalubusan a rummuar ken sumrek iti probinsya malaksid kadagiti essential ken emergency travel.

Inlawlawag ti opisyal nga no ditoy uneg iti probinsya ket awan iti maapektaran nga aktibidad dagiti umili ta nawayada nga aggaraw malaksid laeng iti panagruar ken sumbrek iti probinsya.

Kiniddaw ti gobernador iti kooperasyon dagiti umili kangrunaan ita a maiururay iti resulta iti RT-PCR test dagiti empleyado ti kapitolyo.