--Ads--
Nagpalagip ni Senador Bam Aquino iti gobierno a palubosan ti Tax Reform for Acceleration and Inclusion (TRAIN) Law ti automatiko a suspension ti excise taxes iti produkto petrolyo no ngumato ti presio ti langis iti world market ti $80 kada bariles.
Iti probision nga inlongalong ni Aquino, automatiko a mapasardeng ti panagkoleta ti excise tax iti produkto petrolyo.
Makatulong ti suspension tapno maikkatan ti dagsen iti manamnama a panagngato ti presio ti langis gapu ti tension idiay Middle East.
Nagbalaag ti senador a ti panagngato ti presio ti langis ket mangitunda ti domino effect iti presio ti taraon, ken dadduma pay a magatang.
-- ADVERTISEMENT --
