VIGAN CITY– Bangkayen idi nakita da ti dati a Sangguniang Bayan member a retirado a kameng ti Philippine National Police (PNP) a ni Jovito Tamayo Terredano, agtawen ti 62 ken naasawaan, idiay Sitio Ngabao, South Poblacion , San Juan , Abra gapu iti panangpaltog ti saan pay a nabigbig a suspek.
Nakaawat ti impormasyon ti San Juan Municipal Police Station manipud kenni barangay chairman Spark Tamayo ti Barangay Sabangan, San Juan inaig iti nakita ni Jeffrey Bradley a lalaki a nakaidda iti abay ti motorsiklo na nga adda tama ti paltog iti bukot na a nabigbig a ni Terredano idi limmabas iti nasao a lugar.
Maibasar iti inisyal nga imbestigasyon, naudi a nakita da a sibibiag ti dati a sangguniang bayan member a manmanehuen na ti motorsiklo na iti nasao a lugar.
Imimbestigaran dagiti otoridad ti pakabigbigan ti suspek ken ti motibo iti krimen.
