Pinilaan iti kaso ti Office of the Ombudsman ni dati nga Overseas Workers Welfare Administration Administrator Arnell Ignacio iti Usurpation of Official Functions gapu iti kontrobersial a P1.4 bilion a property acquisition ti ahensia.
Segun iti Ombudsman, mapapati a pinirmaan ni Ignacio ti konrata iti panagilako, deed of absolute sale, addendum, ken inaprubaranna ti pannakaiparuar ti pondo nga awan ti pammalubos manipud iti OWWA Board of Trustees.
Ti nasao a panaglabsing ket adda katukadna a pannusa nga innem a bulan agingga uppat a tawen a pannakaibalud.
Kabayatanna, pinasingkedan ni Department of Migrant Workers Secretary Hans Cacda a nangipiladan iti Motion for Reconsideration iti Ombudsman tapno ipaganetget ti immuna a reklamoda a graft ken plunder kontra ken ni Ignacio ken dagiti dadduma pay.
Innayon ti DMW a saan a dimmalan ti transaskion iti OWWA Board ken nangitunda iti peggad iti gobierno, agraman ti panagbayad kadagiti 51 a condominium units nga aggatad iti nasurok-kumurang P97 milion nga awan met idi inspeksionen ti agdama nga administrasion ti OWWA.
