VIGAN CITY- Nagpyansa ti PHP120K ni dati nga Ilocos Sur 1st District Rep. Salacnib Baterina para kadagiti sangsanguen na a kaso iti laksid saan pay a naiparuwar iti warrant of arrest kontra kenkuana.
Ni Baterina ket sumangsango ti kaso a tallo a bilang iti graft ken malversation ken maysa a bilang iti direct bribery.
Nagramot ti kaso gapu iti mapapati mapapati a maanomalya a panangigasto na ti Priority Development Assistance Fund (PDAF) na para kadagiti livelihood projects ti Kaagapay Magpakailanman Foundation Inc ken Philippine Social Development Foundation Inc. a naduktalan a non-existent organizations.
Segun iti anak na a ni Atty. Ismael Baterina, iti panagpyansa ti ama na ket saan a kas panang-aklon na iti pammabasol no di ket tapno pagtalinaeden na iti kinainosente na .
Innayonna a maibasar iti linteg, ti tao a naakusaran ket maibilang nga inosente agingga a saan a kinonbiktaran ti korte.
