Personal a timmabuno ni dati Department of Public Works and Highways secretary Manuel Bonoan iti naisayangkat a preliminary investigation iti Department of Justice.
Sangsangoen ti dati nga opisial ti reklamo a plunder na naipila kontra kenkuana mainaig iti korapsion nga adda pakainaiganna iti maanomalya a flood control projects.
Kinumpirmaran met ni Bonoan ti panagipasa na iti prosekusyon ti counter-affidavit na mainaig iti reklamo.
Ti plunder case a sangsangoen na ket pada na a respondent ni Senador Jinggoy Estrada, pakairamanan da dati a Public Works undersecretary Roberto Bernardo, Gerard Opulencia, Henry Alcantara, ken pimmusay a dati a DPWH undersecretary Maria Catalina Cabral.
Kalaksidan ti plunder case, sangoen da pay ti panaglabsing ti section 3(e) ti Republic Act 3019 wenno ti Anti-Graft and Corrupt Practices Act, reklamo a Direct Bribery and Receiving Gifts by Public Officers ken Corruption of Public Officers.
Naikeddeng ti sumaruno a preliminary investigation inton Pebrero 23, 2026.
