Timmestigo ni Henry Alcantara, dati a district engineer ti Department of Public Works and Highways (DPWH), kontra ken ni dati a House Speaker Martin Romualdez iti Sandiganbayan Third Division.
Mainaig daytoy iti panagdengngeg iti piansa ni Romualdez a sumangsango iti kaso a plunder gapu iti mapapati a kickback manipud kadagiti proyekto a pang-imprastraktura nga aggatad iti P7.44 billion.
Immunan a timmestigo ni Alcantara kadagiti kaso a sangsangwen ni dati a Senador Bong Revilla ken manamnama a maipasango met laeng iti pannakausig iti kaso ni Sen. Jinggoy Estrada.
Kas paset iti panangamin ken panagserrekna iti Witness Protection Program, nangisubli ni Alcantara iti nasurok P110-M iti DOJ manipud iti P300 milion a kickback nga inaminna a naawatna manipud kadagiti flood control project idiay Bulacan.
