VIGAN CITY- Mapapati nga adda iti warshock na ti retirado police a suspek iti pannakapapatay iti tricycle driver idiay Brgy. Pantay Fatima, Vigan City.
Maipalagip a natay ni Sherwin Cruz, 38 , addaan ti live-in partner ken taga Brgy. Pantay Daya, Vigan City gapu iti pannakapaltog ti ulo na babaen iti suspek a ni Nestor Amin Amigable, 52, retired PNP member ken taga Pantay Fatima ,Vigan City.
Segun kenni P/Supt. Marlo Castillo, hepe ti Vigan City-PNP, inpakaammo ti pamilya ken dati a katrabaho ni Amigable nga agbalbaliw iti ugali na ken agriribok no mabartek .
Posible a naala na daytoy idi naidestino idiay Mindanao idi miembro pay laeng ti Philippine Constabulary.
Inbaga pay ti asawa na a namin-ado na nga inallukoy nga agpakonsulta iti ekespeto ngem nagkedked ti asawa na.
Maipalagip nga ur-urayen ni Cruz ti live-in partner na a mangdagas kenkuana kalpasan nga ingarahe na iti ipaspasada na a tricycle idi pinaltugan ni Amigable ti ulo na babaen iti caliber 9mm a paltog.
Nakemmeg ni Amigable iti uneg iti pagtaenganna kalpasan iti hot pursuit operation nga insayangkat dagiti otoridad.
