VIGAN CITY – Mamonitor pay agingga Pebrero iti panagadu ti kaso ti Covid19 ditoy probinsia sakbay a maideklarar no ania dagiti events a matuloy iti Kannawidan Festival.
Segun ken ni Gov. Ryan Singson, adalenda manen dagiti events iti Kannawidan Festival kalpasan ti panangiraman ti Inter Agency Task Force ti probinsia iti Alert Level 3 isu a malimitaran ket saan a kas ka-grandioso a plano koma ti gobernador sakbay a malpas ti terminona.
Dagiti posible nga events a matuloy iti Kannawidan Festival ket ti Saniata ti Ylocos a maplanplano a mai-bubble kas idi napan a tawen no kumaro ti sitwasyon ti Covid19 ditoy probinsia; Trade Fair; concert ken comedy show; ken tribute concert para kadagiti frontliner.
Saanen a inramanen ti Josefa Burgos Award gapu ta narigat para kadagiti aggapu iti ballasiw taaw no ag-quarantine danto pay kas panangsurot iti protocol.
Numan bilang matuloy ti nasao nga event ket masapul ti vaccination card kadagiti sumrek iti venue.