VIGAN CITY – Saan pay laeng a nakaawid iti pagtaenganda ni Lalata Camila, agtawen ti sangapulo ket walo ken estudiyante ti Ilocos Sur National High School a tallo nga aldawen a mapukpukaw.
Segun ken ni Teresita Molina ti Fuerte, Caoayan, nagpakada ti apona idi Sabado a mapan agaramid iti group project da idiay met laeng asideg ti nasao a pagadalan ket saanen a nagawid nga isu ti pakadanagan ti pamiliana agsipud ta saanda payen a makontak.
Idi nagsaludsod da kadagiti kaeskwelaan ti balasang, naibaga da a saan a napan nagaramid iti project da nu Camila nu di ket napan idiay Sinait kadua na ti nobyo na.
Agsipud iti dayta, kidkiddawen iti pamilya na a nu siasino iti pagtaengan a nagkamangan na ni Camila ket ipaka-ammo da kadakuada a kameng ti pamilya da ta saan dan nga agdanag pay ken al-allukoyenda ni Camila nga agawiden.
