Estudyante, nakuryente, natay

VIGAN CITY – Natay ni Benedict Gom-uyen, agtawen ti dua pulo, maysa a BS Forestry student idiay Ilocos Sur Polytechnic State College- Sta Maria ken agnaed idiay Barangay Poblacion, Quirino ta nakuryente idiay Brgy. Raois, Vigam City idi November 16.

Agpukpukan iti kayo idiay pagtaengan ti mestra da a ni Elena Ato nga agtawen ti lima pulo ket innem, naasawan ken agnaed iti nasao a lugar idi nasagid na iti live wire nga isu iti nakakuryentean na.

Naitaray idiay ospital ti biktima ngem naideklerar a dead on arrival.

Napan ti biktima iti pagtaengan ni Ato, kadua na ni Reymark Cabotage nga agtawen ti dua pulo ket maysa, tapnu adda iti masapulan da a pangnayon iti kwarta da a mapan agbasa nga isu met iti nakairuwaman da nga aramiden nu awan iti klase da.