VIGAN CITY – Kababaan dagiti estudiante iti pagilian no maipapan iti creative thinking no iyarig kadagiti estudiante iti sabali a pagilian, basar ti Program for International Student Assessment (PISA).
Iti 2022 cycle, rinukod ti PISA dagiti 15 -year-old students creative thinking wenno abilidad a mang-generate, mang-evaluate ken mangpasayaat kadagiti kapanunotan tapno makapataud kadagiti orihinal ken epektibo a solusion, advance knowledge ken mangpartuat kadagiti impactful expressions ti imahinasion.
Segun ti PISA, nairanggo ti Pilipinas iti maika-innem a pulo manipud iti innem a pulo ket dua a pagilian ken ekonomia a nakipaset iti assessment.
Kabayatanna, ti met Singapore iti nakagun-od ti highest score iti creative thinking assessment.
Dagiti estudiante idiay Korea, Canada, Australia, New Zealand, Estonia, Finland, Denmark, Latvia, Belgium, Poland ken Portugal ket performed above OECD wenno Organization for Economic Cooperation and Development average.
Maipalagip nga iti imun-una a panagadal ti PISA, dagiti estudiante a Pilipino ti kababaan met ti score iti reading, math ken science.
