--Ads--
Imbutaktak ni dati a Department of Public Works and Highways Assistant Engineer Bryce Hernandez da Senador Jinggoy Estrada ken Joel Villanueva nga umaw-awat iti kickback manipud kadagiti flood control project idiay Bulacan.
Iti panagdengngeg ti House Infrastructure Committee, sinaludsod ni Ako Bicol partylist Rep. Alfredo Garbin ni Hernandez mainaig iti pammabasul ti akinkukua ti SYMS Construction a ni Sally Santos a patpatulodanna iti kinarton a kuarta.
Segun ken ni Hernandez, mabuteng a mangibutaktak dagiti ammona ta saan a basta-basta laeng a tao dagiti karaman.
Sinungbatan met daytoy ni Garbin a masalwadan laeng ni Hernandez no agibagbaga iti pudno.
-- ADVERTISEMENT --
